2016年8月14日 星期日

Day 8 走到世界盡頭──阿根廷烏斯懷亞Ushuaia


**南美、南極篇使用粵語


未到凌晨四點已經到咗大堂集合,咁唔正常嘅時間,當然冇正常嘅早餐食喇!其實我最鍾意食早餐,啲嘢啱食又冇咁油膩,宜家早到連個正常早餐都冇埋 >.< 酒店準備咗啲麵包同飲品,喺遊魂狀態兼頭痛嘅情況下當然係冇胃口喇。





知道被安排凌晨4:15集合呢,係有啲嬲架,因為郵輪公司有班包機朝早7:00先集合,全機都係郵輪客,仲有郵輪職員跟足全程,但我哋嗰班只係普通航班,仲要早到咁離譜。話晒都係郵輪公司嘅Ambassador member喎,點解會咁樣對啲忠實顧客架!不過唔想表現得咁mean,所以就算唔鍾意都習慣停一停、諗一諗:或者係我哋遲join,架charter flight已經full咗呢!於是唔出聲住,睇埋之後啲安排先!

天都未光就上旅巴出發去機場喇!




估唔到咁嘅時間架機都幾近滿座,見到剛才一齊坐旅巴嚟嘅郵輪朋友坐晒喺偏後嘅位置,我哋竟然坐第二行喎,啲位好闊吓,睇嚟郵輪公司喺劃位上有安排過,咁都算係差中嘅好喇!




難得早起過個太陽,試問人生有幾何睇日出,或者侷早都係一件美好嘅事!






三個幾鐘後,見到圍住Ushuaia嘅山喇!



終於到世界嘅盡頭,Ushuaia喺阿根廷南端一個叫火地島嘅地方,上圖紅色方框,大部份南極郵輪都會喺Ushuaia出發。圖中灰色線係國界,而綠圈係智利嘅Punta Arenas,去南極嘅飛機就喺嗰度出發。


攞完行李離開禁區,見到好多職員拎住郵輪公司嘅牌,佢哋會收番我哋嘅行李,然後叫我哋按番想聽邊種語言嚟揀車上,近門口嗰架已經係英語,冇再八仲有咩語言,我諗都係跟船上嘅lecture一樣分英語同德語喇。



行出室外,感受到極地嘅氣息!一月係正正夏天,全年溫度最高嘅月份,可能係朝早啦,得8度咋,踏足世界盡頭係一個小夢想嘅實現,呢種興奮足以對抗寒風。其實..可能又係上天最好嘅安排,早啲到Ushuaia唔好咩?!






開始Ushuaiatour喇,先去AeroclubAfasyn遊艇俱樂部嗰邊影番Ushuaia全景。







沿途導遊話宜家嘅Ushuaia係個有五萬幾人口嘅城市,當初政府為咗吸引多啲人嚟住就行免稅政策,所以到宜家喺Ushuaia買嘢都係免稅嘅。


上圖最左方嗰幢外型獨特嘅建築係賭場。


MS Fram到咗喇,期待上船,白紅黑嗰艘就係喇!


之後旅巴駛入Ushuaia最旺嘅San Martin街,導遊沿路介紹吓啲店舖同餐廳,然後就喺碼頭附近解散,兩個半鐘之後集合番。



天色愈嚟愈好,全個天都係藍天白雲。



 Ushuaia係世界上最南端嘅城市,因此有世界盡頭之稱,所以去Ushuaia的話,呢個牌係必影嘅!西班牙文fin del mundo就係End of the world嘅意思。




海邊嘅旅行社




喺遊客中心可以攞免費證書同喺護照蓋印。






以當地建築風格建成嘅政府大樓,上數圖係正面同背面。




以上兩座建築都係End of the World Museum



海事及監獄博物館



Iglesia Nuestra Señora de la Merced,唔知乜教堂,顏色幾sharp ^^



郵政局


廣播電台




有趣嘅監獄故事館


行咗陣覺得好需要搵個地方休息吓,於是搵間餐廳坐低,揀咗導遊話食海鮮好出名嗰間。餐廳細細,好在未夠十二點已經入座,坐低冇耐就full house,當中有兩枱係同坐旅巴嘅郵輪朋友,睇嚟大家都有聽導遊講嘢噃 ^^


睇餐牌,冇Buenos Aires啲牛扒咁驚喜,不過海鮮嘛,都唔算貴。




望住個餐牌冇乜idea,所以叫侍應介紹受歡迎菜式,我哋想食皇帝蟹同魚,佢介紹咗下面呢幾樣。


皇帝蟹奄列雖然油咗少少,但味道好好,非常滿意!


炒皇帝蟹用料足,有好多蟹腳,食得出幾新鮮,都滿意。


Trout嘅賣相幾吸引眼球,味道都ok


最讚係侍應服務好,呢餐大約400蚊港紙。





























市內一隅


巧遇消防車,車身有卡通咁可愛嘅 ^^



觀光巴士


世界盡頭都有HSBC,利害!


當地銀行


貝隆夫人紀念像



其實食飽後見好多店舖收咗,條街靜晒,原來係午休時間。好在都差唔多要上番車,於是返海旁嘅旅巴停泊處附近影吓相。










動人嘅藍!雖然中午時份好曬吓,不過有海風伴住涼涼哋咁行得好舒服,個人都精神番晒!

到集合時間喇,又總係有人遲到嘅,我哋個導遊好霸氣,等咗陣見隔鄰架旅巴都係等緊人就話我哋開車先,叫隔鄰順便pick up埋我哋架車嗰幾個。




159月先搭MS FramThree Arctic Lands161 月再搭MS Fram去南極,喺度足足生活咗一個月,載住我哋由北玩到南。雖然呢間郵輪公司兩次嘅行程安排都唔係盡善盡美,但對呢架郵輪真係好有感情,望住啲相,又好掛住MS Fram喇!


同上次一樣,我哋都係買unspecified outside cabin,有窗知道出面有咩睇好緊要。上次未係Ambassador member呢,編配到間standard房,行李箱唔可以長開,開嚟攞完嘢就要合番埋,否則會冇路行(睇番上次間房http://venushk.blogspot.hk/2016/04/longyearbyen.html#outsidecabin







但今次做咗member就好唔同喇,兩個行李箱開晒仲有位走動,俾間咁正嘅房,兩個幾星期住得舒服啲,真係好~感~動!睇嚟loyalty呢家嘢真係好重要!



入到房見到枱頭放定member嘅歡迎信同小禮物,仲有要睇嘅資料。



我哋係早上船嗰批,上船後仲有幾個鐘先啟航,於是去斟吓嘢飲









去甲板影吓景

聽吓甲板嘅風聲,仲未開船啲風已經好唔嘢少!


啲陣風好勁,每次強陣風一過,就會睇到風嘅蹤跡,海面即時出現白頭浪,捕咗好多次終於影到一張喇!睇到啲風由左去右,偏右方白色嗰個位係風嗰刻嘅位置,睇住喺海面弧形咁一路去,好靚呀!



跟住周圍去睇吓啲設備有咩唔同咗,我發現concierge啲座地燈同枱椅擺位唔同,今次應該唔會成日俾人撞冧盞燈喇,老公就發現部遊戲機變咗做PS4,有進步喎!




跟住到tea time,仲有好多人排緊隊check-in,我哋差唔多包場。


Safety drill之前去交medical form,然後上甲板影多次相。


今次Safety drill有改善呀,好快完成。



跟住食晚飯,趁冇乜人拿拿林影吓食物先,今次換咗個女廚,啲嘢好食咗。郵輪朋友數過,總共有四十幾餐buffet,堅大劑,要食得好有self-discipline先得喇 >.<








開咗船又上甲板影多轉,我覺得南面嘅海水真係特別藍!





日落又捕一捕


晚上9:30有歡迎會


Captain Rune Andreassen


大家留意吓Captain後面,相中最左邊嗰位係來自中國嘅新expedition team member,佢係郵輪公司第一位聘請嘅內地科研專家,北京大學嘅生物保育博士。因此呢船我哋好著數,有部份宣佈會用埋普通話。通常船上廣播都係先英語,後德語,有時一miss咗宣佈就要打電話問番,今次就正喇,仲有一次機會,可以聽埋普通話宣佈。不過啲Expedition team members每次換人,所以唔包保次次都有中國人。


今次呢船expedition team members裡面,有五個喺北極個trip已經見過,個個都超好記性,主動走過嚟寒暄,好warm喎,估唔到咁多客都認得我哋。

夜晚仲有件驚喜事,話說郵輪要喺海上航行一段時間先到南極,正好上網打發吓時間,於是走去買wifi時數,反正可以分段用,就買最多嘅六個鐘嗰種。點知front desk職員冇嘟我張房咭記數,我就提佢啦,阿大好人笑笑口揮手示意唔洗。之後我諗番上次北極個trip又係遇到佢,當時我去買兩個鐘wifi,佢就俾咗六個鐘我,我傻傻吓以為係因為wifi慢所以個個客都會俾多啲,到今次先知原來係特別優待嚟嘅,超唔好意思添!用完六個鐘之後,我專登揀大好人off duty先搵另一個買。上次個trip呢,有時路過front desk會幫手翻譯吓,所以我諗呢個係未有預算嘅回報,多謝大好人!


南極郵輪、阿根廷、巴西伊瓜蘇2016目錄頁

「Venus遊世界」總目錄


您可能會對以下博文感興趣:
加拿大白馬 傑古沙龍湖 北極熊 奧克蘭
加拿大白馬2015
冰島南部2013
格陵蘭海上看北極熊2015
新西蘭奧克蘭2014


19 則留言:

  1. Ushuaia都幾靚呵, 而且市面都好有特色. 你係機上影那張晨光一刻好靚.

    回覆刪除
    回覆
    1. 係呀, 啲建築有特色又多色彩 :)
      係咪剛飛過雲層見到半個藍天嗰張? 我都鍾意嗰張呀

      刪除
  2. 個海鮮午餐都唔算貴噃。

    回覆刪除
  3. 好興奮呀!!!!!!出發南極喇!!!!!!
    咁早飛真係好眼訓~~~~不過機上日出幾靚~~~~~~~~
    我真係好鐘意Ushuaia!!!!!去過的人如你~~懂我的心情~~~~
    但我好傻豬...我唔知有哥個世界盡頭既牌...同埋去Information度有印吸落護照...唔開心!!!
    不過我知我下一次一定會再去!!!!!!!!!(下次再去可能係我上船去南極的時候~好期待~~)
    我地食左間超正既蟹呀~~~~~~遲下係blog介紹~~~~~

    回覆刪除
    回覆
    1. 寫到南極係好興奮呀, 可以中和一下要返工嘅沉重心情
      唯有咁諗, 自我安慰係我強項!
      唔..我鍾意ushuaia, 不過未到好鍾意嘅程度, 我會更鍾意杳無人煙嗰啲
      傻妹, 一定會有下次, 唔好失望, 下次影世界盡頭個牌+吸護照+攞證書, 跟住上郵輪去南極, 諗好晒喇, 好快架喇, 乖
      好呀, 等妳篇blog :)

      刪除
    2. 要番喇咩?!?!?!?!?!番緊喇??????????
      哈哈~好彩大家都成日識自我安慰~~
      我覺得好舒服~~同埋望住海邊我覺得自己同南極好近~~可能心諗佢可以帶我去我想去既南極..就對佢有好感~
      我諗最快都要兩年後....唉~今年用得d假好盡..有排儲~

      刪除
    3. 係呀, 超級無奈, 開心嘅時間真係過得好快!
      冇錯, 好似呼吸到南極嘅空氣咁, 去到ushuaia海邊真係有索大啖啲空氣架(低能mode) ^0^
      羨慕, 有期已經係最好, 我等睇妳南極blog喇! 我要等退休喇, 10月至3月呢啲南極船期嘅日子都唔可能有一個月假期

      刪除
  4. 凌晨四點集合,好慘喎~~~~
    那個山景和食物最吸引我。

    回覆刪除
    回覆
    1. 頭痛狀態, 慘慘豬 >.<
      我都好鍾意個山景, 但對啲食物又愛又恨 ^_^"

      刪除
  5. 回覆
    1. 極地係有一種令人嚮往嘅魅力 :)
      努力緊, 下篇就係喇 ^.*

      刪除
  6. 講得啱,唔公平待遇唯有用另一個方法去諗,以免旅途上唔開心吧⋯
    烏斯懷亞當年我無腳足,因為我確信總有一天會去南極嘅,到時才吧~
    嘩! 有普通話,可惜我都係唔掂,哈哈⋯ 再遇返D職員真係會好開心呢~ 又有得so,呵呵~

    回覆刪除
    回覆
    1. 係架, 只要唔太過份都唔出聲/投訴, 唔想個ruin咗個心情
      你個諗法又啱bor
      呢個講得幾好, 大部份都1次聽到, 有啲極速兼捲脷嗰啲真係投晒降唔知點聽!
      有人記得/認得係開心嘅事, 少so ok, 好怕遇到講唔停嗰啲

      刪除
  7. 太早起身我都係會食唔落嘢.....
    U市都幾有北歐小城風味喎
    好好陽光好藍的天,正!!!早機都有個好處,早出發早到!
    果然係種善因得善果^^

    回覆刪除
    回覆
    1. 係呀 >.<
      可能極地都相似呢 ^^
      到埗時係陰天, 之後個藍天出番嚟, 好正! 都係嘅!
      係囉, 冇預過有回報, 不過之後唔敢搵佢買喇, 免得好似好貪心咁 ^^

      刪除
  8. 我都吇like早餐食物,主菜太多太油喇,其實可以全日食早餐架。
    覺得哩個小鎮,色彩好豐富,好有南美熱情風格,餐廳...海鮮都好正,哈....我返而對海鮮一般!
    船上打機可能會暈,又無得上網,我會寫下blog,回岸可以立刻上載,
    食buffet無問題,自己喜歡食乜擇乜,日日食都無可以!

    回覆刪除
    回覆
    1. 早餐相對清淡, 比較啱食。
      ????? all day breakfast ?????
      同意呀, 色彩豐富, 影出嚟好sharp! 海鮮我都係一般, 只有蝦係點整都鍾意食
      有得上網, 不過好慢, 嘻嘻, 我冇諗過寫blog呀, 完晒個trip先寫可以開心多一次嘛 ^^
      都啱, 但我懶行, 我覺得食嘢應該係坐定定嚟享受同欣賞嘅 :)

      刪除
  9. 作者已經移除這則留言。

    回覆刪除