2016年8月29日 星期一

Day 11 南極第二站上篇──布朗海崖Brown Bluff


**南美、南極篇使用粵語


雖然Day 11只有一次登岸,但相片太多,所以分開兩篇。今篇記當日朝早Brown Bluff嘅登岸;下篇貼下晝喺甲板上影嘅Antarctic SoundWeddell Sea嘅海上風光。


上圖藍色箭咀係郵輪嘅方向,由昨日嘅登岸點Half Moon Island行緊去今日嘅登岸點Brown Bluff


七點幾起身食早餐,唔知係咪郵輪上嘅香蕉所剩無幾,由之前完整嘅一條變成一小段,呢截有冇四份一?!


















食飽上甲板望望,開始見到南極半島。



前方圓圓哋、平平哋座山,就係登岸點Brown Bluff所在嘅Tabarin Peninsula


見到Brown Bluff喇,Brown Bluff係一個basalt tuya,世間罕有,喺岩漿噴發嘅同時要被厚冰川覆蓋先可以形成呢種獨特嘅山形地貌。






















郵輪冇耐就anchor,見到工作人員放艇試水同搬物資,於是影多陣就落番房換衫準備登岸。好開心,係難得嘅好天色!


登岸喇





呢個天色、背景同迎面而嚟嘅企鵝,第一眼見到嘅時候呆咗,好肯定從來冇見過靚成咁嘅景象,既震撼又感動!




Brown Bluff有兩種企鵝,分別係Adélie penguins阿德利企鵝(下圖)同gentoo penguins巴布亞企鵝(下下圖)。兩種企鵝點分呢?醜樣啲,冇咁多顏色嘅就係阿德利企鵝喇!



呢堆懶嘢好得意,攤晒喺度曬太陽,佢哋係巴布亞企鵝B。肥肥哋,啲絨毛好軟綿綿咁,實在係忍耐力嘅考驗,好想摸呀!!!!!!仲幻想到攞個竹籮執晒佢哋返香港!呵呵!






成年嘅巴布亞企鵝Gentoo Penguin,眼上方有笪白色,個嘴紅色,比阿德利企鵝多色彩。巴布亞企鵝亦都係企鵝家族中游水最快嘅!













阿德利企鵝以黑色為主,有個白眼圈,呢個時候有啲B甩緊絨毛





















巧驚驚,支鏡好危險,唔知有冇蓋番鏡頭蓋呢?!如果俾隻企鵝B錫啖鏡頭就慘囉 >.<



一齊睇吓阿德利企鵝B有幾得意 ^0^


咦,石灘上瞓咗隻Weddell seal,企鵝同海豹齊齊曬太陽 ^^






連一向只對數字敏感,對美景卻毫無感覺嘅老公都落力影相。究竟係南極嘅魅力定係企鵝嘅魅力?



Volcanic tephra,唔知點譯,總知係火山爆發噴發出嚟嘅物質形成嘅。




唔少郵輪朋友行咗上山,好堅呀,咁斜!老公問我行唔行,睇嚟行上去都係望番呢個景啫,都係留喺石灘算喇,一樣影得開心 ^0^



Brown Bluff一隅

















































影到差唔多時間就坐小艇返上郵輪,郵輪下晝會喺海上周圍兜吓,仲會兜去慕名已久嘅世外桃源Weddell Sea,待續..




南極郵輪、阿根廷、巴西伊瓜蘇2016目錄頁

「Venus遊世界」總目錄


您可能會對以下博文感興趣:
曼哈頓 丹娜麗芙島 美國簽證 北極熊
紐約曼哈頓中城
西班牙第一高峰
美國簽證
格陵蘭海上巧遇北極熊

Copyright © 2016 by Venus. All rights reserved.

27 則留言:

  1. 作者已經移除這則留言。

    回覆刪除
    回覆
    1. 可能有部分香蕉,已經變黑了,所以要設道一段一段。

      刪除
  2. 啲企鵝好可愛,好有趣。

    回覆刪除
    回覆
    1. 係呀係呀, 真係企定定望成日都唔厭, 可愛到暈 ^^

      刪除
  3. 我見企鵝超多,隻隻都好活躍,好可愛...
    支鏡貴架,要小心保護下,放喺地下好驚,
    哈...我唔食蕉,船上對我無乜影响😊😊

    回覆刪除
    回覆
    1. 係呀, 成個石灘都係, 好壯觀。佢哋有啲好懶, 有啲周圍追逐, 無論郁定唔郁都係咁可愛^^
      係囉, 我哋見到隻企鵝B走近即刻通知咗個物主, 係expedition team啲成員, 但物主完全唔擔心, 笑笑口話由得佢 ^^"
      我哋每日必食呀, 方便又好味

      刪除
  4. D企鵝仔真係好得意,又好似完全唔怕人咁喎^^
    火山加冰山真係好特別

    回覆刪除
    回覆
    1. 係呀, 完全唔怕人架, 理論上我哋要同企鵝保持距離, 但佢哋會自己走埋嚟 ^0^
      係呀, 正正係極地吸引嘅地方 :)

      刪除
  5. 衰妹食咁多生果怕唔怕太多果糖呀~~~~d蕉咁放咪黑哂囉!!!
    天呀!!!!呢日好靚呀!!!!!!!!!!!!!
    你老公今次都咁落力影係因為好天氣+企係南極+超靚既冰!!!!!!呢3樣加埋堅係無敵!!!!!!!!!!
    我覺得南極既冰真係特別靚(偏心)
    好羨慕呀!!!!!!!!!!!!!!(但我其實都係有少少頂唔順搭郵輪~~)

    回覆刪除
    回覆
    1. 我都唔知呀 >.< 全日得早餐有得食生果咋, 所以食咗先算囉, 啲蜜瓜好甜好好味 ^^
      佢呢個trip自發影相呀, 所以我深信南極嘅靚係神級!
      唔係偏心, 係事實 ^.*
      唔洗羨慕, 妳都有兩年計劃, 快喇快喇! 唔洗怕呀, 係得drake passage啲浪勁啲, 妳當來回四日辛苦啲, 一過咗就好平靜架喇

      刪除
    2. 下~~~~夜晚同中午都無架?咁搞笑...咁真係要早餐食喇~
      之前澳洲紐西蘭冰島都無影??咁南極魅力真係不容忽視~~~~~~~
      你係咪都覺得D冰特別唔同~~~~
      你今次有無食止暈丸??但食完好鬼眼訓咩都睇唔到~~~~

      刪除
    3. 係呀, 竟然只得早餐有, 其實唔慣朝早食生果, 喺香港唔會晨早流流食生果架嘛 ^^"
      以我記憶係冇自發影。嗱,呢3個地方我都覺得靚嘅, 老公就話從來冇覺得澳洲靚, 紐西蘭都係唔靚(但我哋去嘅時候係有黃葉紅葉架, 我唔明點樣唔靚法), 冰島係..怪喎, 救唔救命!!!!!!
      極地都係夏天先去得啦, 以北極同南極嘅夏天嚟計, 南極真係宏偉壯觀好多, 我會用鬼斧神工嚟形容, 氣勢羸晒, 而北極就小巧精緻。
      嘻嘻, 我生理上去程同回程都食1粒, 等自己心理上覺得食咗。其實一覺得暈就攤番上床乜都唔做跟住啲浪郁就冇嘢架喇

      刪除
  6. 超多企鵝, 好CUTE!! 真的剎C人, 我又想去南極~~~~

    回覆刪除
    回覆
    1. 啲企鵝真係好得意, 勁想帶佢哋走, 至多買個雪櫃佢住, 嘻嘻 ^^
      真係好值得去呀!

      刪除
  7. 好吸引好吸引好吸引好吸引好吸引好吸引好吸引好吸引好吸引好吸引好吸引
    啲BB 好似一粒粒奇異果呀! 哈哈哈!

    回覆刪除
    回覆
    1. 嘻嘻, 企鵝嘅魅力真係不得了 ^0^
      妳講起又似喎, 個色一樣架!

      刪除
  8. D企鵝像是不怕人的,超可愛。

    回覆刪除
    回覆
    1. 佢哋真係唔怕人架, 傻傻吓, 成個毛毛波咁, 得意到暈

      刪除
  9. 吖! 個登岸點張相好似個乜野麵包咁呢?
    當你老公都咁一反常態,被你地攪到我都好想去呀!

    回覆刪除
    回覆
    1. 嘻嘻, 唔緊要啦, 總之係有啲似麵包啦 ^.*
      我老公呢個trip真係一反常態呀, 所以我深信南極有一股強勁嘅吸引力! 之前北極個trip佢都不為所動架, 但格陵蘭海啲倒映鏡晒咁靚到癲囉, 都吸引唔到佢自發影相呀
      值得去, 真係值得去!

      刪除
    2. 諗吓囉, 諗諗吓就成事架喇 ^^

      刪除
  10. 望相止渴,由細至大我最愛企鵝.

    回覆刪除
    回覆
    1. 真係好可愛, 考慮親身去探吓佢哋 ^.*

      刪除
  11. 好靚好靚, 見到個藍天開心死啦!! 仲要有咁多企鵝, 隻隻都好可愛. 每次登岸時間有幾耐?

    回覆刪除
    回覆
    1. 係呀係呀, 真係超開心, 啲景物喺陽光同藍天下再靚n倍 :)
      企鵝真係好得人鍾意
      每次大約個幾鐘

      刪除