2016年3月20日 星期日

Day 13極地郵輪第七站—格陵蘭Myggbukta



郵輪續往北走,經過一夜海上航行,這天早上未到八時已被震耳欲聾的聲音吵醒,是郵輪遇上冰塊的聲音!由於我們所乘的並非破冰船,講座中說郵輪配備加強的船殼和額外設備保護船身、撥開浮冰以適切於極地航行,因此正確來說不能說成是破冰聲。總之聲音極為吵耳,從房窗向外望,發現郵輪已置身於冰海中,於是馬上梳洗到甲板拍攝。









早餐後再到甲板拍攝,這裡情況較好,只有部份海面結了薄冰。









午飯後發現郵輪已抵達Myggbukta對開海面,於是又到甲板拍一遍。





下午一時許,到我們登岸了!Myggbukta北緯73°29'又名Mosquito Bay,位於格陵蘭東北部,屬格陵蘭國家公園範圍。能夠踏足這個世界上最大、最杳無人煙的國家公園,正是這個郵輪之旅的賣點,個人來說非常期待!下圖截自格陵蘭旅遊官網


格陵蘭國家公園的面積大概相等於法國及西班牙國土的總和,在這遼闊的土地上卻只有不到50人定居。這裡沒有常設的海、空交通,每年只能在海水未被冰封時以海上交通載送遊客往還,因此全年只有約500位遊客踏足國家公園範圍。


對這天印象深刻,因為氣溫極低,邊行邊震。



岸上有一小屋,為通訊、氣象、捕鯨站,惟要到達小屋必須涉水。上圖有些勇敢船友不欲走到遠方的較窄水道,索性直接逛入寬闊的河道中。我們見最深處及膝,體型矮小的我恐怕要過膝,那麼水靴真的會變成注滿水的靴啊,還是繞路較穩妥,不過單程得要多走約三十分鐘!後來聽說有幾位船友在渡河時滑倒,全身盡濕,要馬上乘小艇返回郵輪,而我們走到河的最狹處則只需三數步即到彼岸,這做法的確安全,不過費力費時。觀察所得,勇敢的佔大多數。




剛才說過格陵蘭國家公園沒有固定的海、空班次,那為何會有飛機飛過呢?看飛機的顏色和尾巴都以為是Air Greenlandzoom近看竟然是未曾聽過的Norlandair,原來是營運格陵蘭包機的。及後在講座中知道飛機在Myggbukta接走了幾位駐守當地的軍人往受訓。






一面走一面欣賞水面不同程度的結冰方式


終於到達小屋







回程了,這次是最寒風刺骨的登岸。




平常不會在更衣室門外設置熱飲櫃枱,這回倒算細心,可選熱朱古力或熱朱古力加Rum酒。船上不少工作人員擁有亞裔面孔,他們都是來自菲律賓的。


下午茶時間


晚飯後郵輪啟航,繼續北上,我們到甲板拍攝日落。












這晚最喜歡的是紫色雲朵,看著它隨光線改變顏色,由白色轉為灰色,再轉為紫色。

翌日將在海上再遇北極熊,待續。


北極三島郵輪極光2015目錄頁


「Venus遊世界」總目錄


您可能會對以下博文感興趣:
墨爾本酒莊 奧克蘭 馬爾代夫 南極
墨爾本酒莊及農場
新西蘭之奧克蘭印象
馬爾代夫美食篇
南美、南極資訊


Copyright © 2016 by Venus. All rights reserved.

22 則留言:

  1. D日落相靚到唔識形容。

    回覆刪除
    回覆
    1. 靚到唔多真實、紫到唔多真實, 但原來係真嘅 ^^

      刪除
  2. 回覆
    1. 嘻嘻, 唔知NASA會唔會睇中我張相呢 (^0^)v

      刪除
  3. 你地自己有BOOT ? 犀利啊, 行李篋仲擺得落.

    是了, 唔知點解, 上一篇的不能成功留言呢

    回覆刪除
    回覆
    1. 係呀, 因為我鞋碼特細, 驚冇我size, 同埋喺香港有對著開嘅, 所以就帶埋, 真係幾阻碇, 我老公著完掉埋冇帶番香港^^ 我喺呢個trip八咗原來好細嘅小朋友size都有, 所以南極嗰次就冇帶lu。
      唔好意思呀, 嘥咗您心機添, 又唔知點解喎, 照計冇留言上限, 但垃圾筒冇嘢撓

      刪除
  4. 當我望到滿海浮冰, 我想我會害怕多於喜悅, 因為有機會會困在冰中間, 如果天氣一轉冷, 加速了冰封的情況, 船就會被困了.

    以前我拍的日落相好紫, 網友都以為我整色整水, 今天有你來為我解畫了, 哈哈哈....

    回覆刪除
    回覆
    1. 嘈醒嗰吓見到成海冰, 都幾大塊, 有番咁上下厚度, 我都驚驚哋呀, 因為係不斷地發出巨響, 好明顯係啲冰擦過船身, 我驚傷到架船會大吉利是多過被困。但對間船公司都有信心, 同埋呢架船只行極地, 之後掛住影都唔識驚囉!
      我自己睇到紫到咁都覺得假, 莫講話冇親身見過會唔信, 我親眼見到都問"點會紫成咁" ^0^

      刪除
  5. 震耳欲聾的聲音<--以為鐵達尼呀⋯
    勇還勇,濕晒up住晒凍c就無謂啦。

    回覆刪除
    回覆
    1. 都驚驚哋呀, 好大聲
      suppose順順利利的話就只係濕對水靴, 總之就佢哋太勇, 我就太多顧慮

      刪除
  6. 華~其實格陵蘭d冰真係好靚好靚~~~~~~
    個國家公園咁大每年得500人去??!?!?!?!係呢個國家公園有咩睇架其實~
    你影日落時呢有兩舊雲好得意呀~好似飛碟~

    回覆刪除
    回覆
    1. 係呀, 得500人咋, 緯度太高, 只有夏天有可能用船埋到去
      我諗啲科研、氣象、動物植物專家就有嘢睇, 我哋呢啲乜都唔識嘅遊客, 就純粹影吓極地風光/動物, 講真, 對啲俾獵人/專家住嗰啲屋仔, 我興趣不大呀, 不過有嘢影就影吓, land嘅時候有個目標, 知道要行去邊咁囉。
      我都覺得似 :)

      刪除
    2. 咁又係..你都話佢唔係破冰船...冬天真係破唔到冰~~
      我就係見你係國家公園都係影左幾張.....所以我就唔知佢有咩重點野睇~~~~
      咁其實佢哥度無居民只有科研哥d人~~~~~~係咪算格陵蘭可以到既地方最北架喇?(淨格陵蘭)

      刪除
    3. 係呀, 同埋初秋都咁凍, 冬天更不堪設想喇
      係得條河同間屋仔, 可以影埋啲結冰狀態, 都靚嘅。有啲人好鍾意影植被, 我就冇乜興趣。
      係呀, 呢度冇居民, 有時有捕鯨、科研或者負責喺呢區巡邏嘅軍人。
      西北面仲有settlement(可以睇內文個地圖), 東北面全部係國家公園, 只要海冰狀態ok, 可以一路北上。但之後我哋架郵輪係咁避啲冰, 所以上北多少少就過去svalbard喇, 唉, 其實一路都滿意同開心嘅, 但之後真係差囉, 臨落船前嗰幾日嘅行程講座都變咗批鬥大會咁..之後再講

      刪除
    4. 係呀...我10月中又係極凍....落哂雪咁.....
      咩叫植被呀....er...唔知我咁樣問係咪好低能~~但我真係唔識~
      下......批鬥大會.................好...等你講!

      刪除
    5. 等緊睇, 快啲寫 ^^
      傻妹, 唔低能呀, 可能譯法唔同啫, 即係vegetation。有層植物蓋住個地面, 就叫植被。
      班船友都斯文嘅, 冇話潑婦罵街冇晒儀態嗰種, 不過會feel到佢哋個氣場咁囉。站喺客嘅角度, 我當然覺得船友們講嘅嘢係啱, 對個cruise有期望係完全冇錯, 但船公司賴天氣做唔到囉, 我會覺得係時間規劃得差

      刪除
  7. 小屋空空如也,無人居住?
    居民是否在另一邊,
    環境好靚,好靜,夏季都咁凍,
    諗到寒冬就怕怕,
    我唔會貪方便去冒險,
    旅行見識下啫,
    唔好令自己身陷危境@@

    回覆刪除
    回覆
    1. 間屋有晒設備架, 係喎, 我冇貼到相添。但就冇人長住, 嗰啲捕鯨、科研或者負責喺呢區巡邏嘅軍人都住得, 可以話係公家住宿。
      國家公園內嗰50人唔知住喺邊, 格陵蘭啲城鎮就大部份喺南面同西面。
      係呀, 好靜, 世外桃源, 與世隔絕, 不過只限於夏天, 冬天啲風雪應該好得人驚。
      所以我呢啲穩陣派愈兜愈遠, 好多忍唔住喺中途見條河窄咗啲都過喇, 其實個路面都難行, 有石, 亦有結冰, 所以行多好多時間

      刪除
  8. 如果係我都會寧願行遠少少,穩陣好D
    間屋仔入面其實有啲乜?
    晚霞真迷人

    回覆刪除
    回覆
    1. 穩陣係包冇衰嘛 ^.*
      其實設備好齊, 有床、枱椅、煮食工具、通訊設備、滑雪裝備等等, 一個屋企應該有嘅嘢都齊晒。嘻嘻, 我見室內影得麻麻, 全部俾我揀相時掉晒^^ 下個登岸點又有間屋仔, 等我貼番俾大家睇。
      係呀, 靚到唔真實, 好想好想將呢啲美好到唔真實嘅景睇多幾次, 咁會感覺實在啲

      刪除
    2. Mosquito Bay===>係咪夏天好多蚊?!@@

      刪除