2016年1月20日 星期三

Day 8極地郵輪—格陵蘭海上看極光


還有兩天就踏上南美、南極之旅,旅程點滴將在臉書專頁分享。

Day 8遊記


郵輪昨午離開冰島Ísafjörður後進入北極圈,今天續於格陵蘭海Greenland Sea航行,傍晚抵達格陵蘭東岸的Ittoqqortoormiit



下為預算行程,下午三時就可登岸。

早餐時順道將護照交到前台,郵輪工作人員會將護照送往蓋印。


早餐後到Polhøgda聽講座,由expedition team leader講解極地注意事項和下午登岸安排。


早上十一時有另一個講座,講述冰島發展史,講座標題-Phoenix out of the Ashes起得漂亮,滿有期待,可這位講者非常利害,先把我催眠,半夢半醒中看到丈夫也被催眠了,還聽到幾行以外的聽眾傳出鼻酐聲,笑昏,建議失眠的要去上她的課!


講座後到餐廳午飯,然後到了健身室試圖打乒乓球,惟格陵蘭海風浪頗大,船身不穩,乒乓球會逕自改變方向,打了幾板就回房加衣到甲板拍極地風光。






海上開始出現冰川和浮冰


下午茶時間仍未抵達Ittoqqortoormiit,船上宣佈行程有變,貼出了更新後的行程表。

又聽講座,由來自格陵蘭西部的Lola介紹她在格陵蘭的成長與生活。


格陵蘭人與世隔絕,從他們的臉上可看到猶如極地般純淨的笑容,但在純真笑容面前卻做著缺德行為,例如將飲品罐掉入海中、隨處棄置和堆放垃圾、吸煙等,我明白他們根本不知道自己的行為在影響自己、他人,甚至環境,希望教育可以帶來改變。
後來在甲板上見到同樣有著格陵蘭人純真笑容的Lola在吸煙,從那分鐘起,甜美的酒窩女孩不再漂亮。難得有機會離開格陵蘭唸書,應該知道吸煙的害處啊!






繼續上甲板拍拍照、吹吹風。


下午五時再聽講座,預告翌日行程。


















講座後又走上甲板拍浮冰,北緯70度附近的浮冰開始具規模,可說成冰山。


晚飯時間

接近晚上八時,郵輪終於抵達Ittoqqortoormiit,我們到甲板拍攝小鎮和日落。













由於郵輪遲到,登岸取消,於是晚上補回昨天因風浪太大而改期的時裝表演,船上工作人員會穿著郵輪那家店子所出售的衣服行貓步。片段是時裝表演的尾聲,氣氛歡愉。


時裝表演後,我們順道到甲板拍攝日落餘暉,想不到極光也同時出現,驚喜!





我們比郵輪上的極光捕手還早一步發現極光,拍了一會始聽到出現極光的宣佈。





















雖然郵輪已停航,還是不及陸地般穩定,因此增加了拍攝難度。
極光一直在夜空出現,很璀璨、很活躍,追光多次,還是首度看到那麼美和色彩那麼豐富的,看得人有點感動!我們拍至凌晨一時許就返回房間休息。

翌日將進行首次濕著陸wet landing,我們需要先到更衣室換上救生衣及水靴登上快艇,由快艇載送我們到Ittoqqortoormiit鎮。


北極三島郵輪極光2015目錄頁

「Venus遊世界」總目錄


您可能會對以下博文感興趣:
centara ras fushi 大加納利島 悉尼大橋 格陵蘭
馬爾代夫
大加納利島
澳洲悉尼
格陵蘭西北部海上美景

24 則留言:

  1. 第一張最美!
    會否太多腳架架在甲板,令太家掙位?

    回覆刪除
    回覆
    1. 係呀,嗰張最多色,但現場睇我喺最後嗰張個moment覺得最感動。因為嗰啲喺正頭頂出現,好似圍著我哋咁
      會呀,但只係開始時,影到11點幾已經走咁啲人,難得啲極光咁靚都咁懶

      刪除
  2. 第一張真係靚到離哂譜!!!!!5隻色!!!
    好羨慕~~~~~~~~~~~~~~~~~
    你就黎出發喇~~~我好期待你係fb page post既野~~~
    我等你~~~~~~你係咪聽日出發喇~~
    分享下點執衫~~wakakaka~因為依家布宜好熱呢~~~

    回覆刪除
    回覆
    1. 當時睇唔到咁多隻色,只係覺得啲色豐富,現場白綠紅都易分,影出嚟啲色再細分咗
      我羨慕妳就真,一個trip睇得多過我幾次加埋,好幸運呢 :)
      好,轉頭去到伊瓜蘇酒店再打,上機喇 ^_^

      刪除
    2. 唔好意思呀,超攰,宜家先覆。
      講到執衫,我覺得今次好堅,出發時香港十幾度,去到阿姆斯特丹得2度,落到南半球變咗夏天,廿幾至三十幾度,然後南極大概0度,即係厚衫薄衫要帶晒,但我哋兩個人,一個篋12kg(只係裝帶去伊瓜蘇嘅嘢), 另一個20kg多少少,長旅行嚟講,今次破晒紀錄咁輕。
      至於執d乜,我喺fb搵妳 :)

      刪除
    3. 紅色肉眼睇唔知點呢~~~其實我都好想睇藍色~~~
      今次好彩je.....但我後知後覺咁遲先出發睇極光~
      你好乖呀~錫錫~
      真係好輕呀個gip好羨慕你~

      刪除
    4. 唔係真係紅, 係紫紅, 我諗妳已經睇過 :)
      都唔算遲, 都未係冬天, 從妳嘅收穫就知妳揀得啱 ^.*
      因為宜家愈嚟愈唔顧儀容, 先可以輕成咁 >.<
      掛住妳, 等妳番嚟寫blog

      刪除
  3. 回覆
    1. 多謝,都係我睇過最靚嘅極光,今次好滿足

      刪除
  4. 點解我果次入格陵蘭護照無蓋印嘅⋯ 唔制呀!
    極光好靚呀! 船上係咪好難影? 再一次證明比果D亂咁噏嘅人知,極光一定要半夜才出現咩!

    回覆刪除
    回覆
    1. 去完北就去南! 祝你旅途愉快呀! 等你返來嘅南極報告

      刪除
    2. 個印同丹麥嗰個好似,我上一次去冇留意有冇印添
      係好難影,唔穩定
      吓,又有呢啲咁離譜傳聞?我聽過有人話凍先有,無知到咁,好明顯講都嘥氣。
      多謝銀仔祝福 :) 極地真係好吸引我

      刪除
  5. 妳遇上的極光,
    是我見過最靚最多色彩的♡♡

    回覆刪除
    回覆
    1. 多謝路霸兄, 我都好開心呀, 努力終於有回報喇, 呢個trip嘅極光真係好滿意 ^0^

      刪除
  6. WETLANDING, 好有歷奇的感覺

    回覆刪除
    回覆
    1. 係呀, 仲好有新鮮感添 :)
      不過隻船人多, 分成8組, 逐組上都要等幾耐吓

      刪除
  7. 行cat walk 表演咁都得.
    天上好多星星!

    回覆刪除
    回覆
    1. 其實我見到佢哋咁多功能, 要做本身船上嘅工作仲要娛賓, 都覺得世界幾難撈
      多呀多呀, 淨睇星都好靚, 不過有極光時就會忘記睇啲星

      刪除
  8. 好colourful的極光@@
    這天似乎是講座日!!!
    船上原來都幾多船員喎
    看了你fb,南美啲相好正呀^^

    回覆刪除
    回覆
    1. 嘻嘻, 影出嚟啲色分明咗, 實景其實只係深淺嘅分別 ^.*
      係呀, 好在我都鍾意聽嘅, 如果唔聽嗰啲就要自己搵嘢做打發時間lu
      多呀, 有講過個數字, 不過唔記得咗, 印象中唔會少過乘客好多
      多謝支持, 靚相背後嘅代價係曬燶, 不過都值嘅, 難得去到, 如果落雨就掃晒興 :)

      刪除
  9. 南極旅程一定十分多歷奇, 為你而高興,也祈望你回來後, 能看到你的經歷.

    新春又臨到, 在這祝願VENUS你, 新春大吉, 一年好過一年, 年年開心又健康, 在猴年裡, 事事如意(CCEU), 身體健康, 閤府安康, 財運兩旺, 福氣詳和.

    回覆刪除
    回覆
    1. 多謝Joseph嘅支持同祝福!
      雖然遲咗好多, 好在仍然係正月, 補祝您同您家人萬事如意、身體健康、福星高照、財運亨通、喜氣洋洋!

      刪除
  10. 恭喜發財!如意吉祥!靈猴獻瑞!
    祝...妳
    新的一年闔家
    一切順利!
    身體健康!

    回覆刪除
    回覆
    1. 多謝路霸兄, 我記得您年年都好窩心架, 一定會記得我哋一班blog友!
      我都祝您同您屋企人身體健康、萬事如意!

      刪除